Luka Modric do të vazhdojë t’i ekzekutojë penalltitë, te skuadra e Kroacisë.

Selektori Zlatko Daliç ka njoftuar se Luka Modric do të vazhdojë t’i ekzekutojë penalltitë, te skuadra e Kroacisë.

“Luka Modric është kapiten dhe lideri ynë. Ai ka marrë përgjegjësi për penalltinë dhe do ta bëjë edhe në të ardhmen”, deklaroi Daliç.

Modric e humbi penalltinë në vazhdime ndaj Danimarkës

Por, ai realizoi më pas në penalltitë e fitores për kualifikim në çerekfinalen e Botërorit 2018 ku do të takohen me Rusinë.