Kryeimami i Bashkësisë Islame të Kosovës (BIK), Sabri Bajgora, ka treguar se imamët e këtij institucioni kanë filluar ligjëratat nëpër burgjet e Kosovës.

Ai në një intervistë ka theksuar se këto ligjërata janë të karakterit edukativ dhe këshillues për atë që qëndrojnë prapa grilave.

Sipas tij, këto mësime janë për grupin e të burgosurve që kanë qenë pjesë e luftëtarëve në Lindjes e Mesme, dhe për pjesën tjetër që janë në burg për shkak të veprave kriminale që i kanë kryer.

“Ne i kemi sfiduar imamët tonë të jenë pranë një kategorie siç janë të burgosurit, e të cilët kanë probleme të rënda shpirtërore. Synohet që te depërtohet në ndjenjat e tyre, dhe konsiderojmë që suksesi më i madh i tyre është që ata të jenë qytetarë të denjë të shoqërisë, duke lënë anash të kaluarën e tyre”, ka shtuar Bajgora.

Ai ka sqaruar se janë gjithsej 20 imamë dhe dy profesoresha që janë angazhuar në këtë program, duke theksuar se, sidomos të femrat që janë në burgun e Lipjanit është treguar interesim i madh.

“Ne, në bazë të marrëveshjes, nëse programi ka sukses dot vazhdojmë edhe më tutje”, tha Bajgora.

Kryeimami në këtë intervistë ka folur edhe për literaturën e cila iu dërgohet të burgosurve, duke sqaruar se tekstet fetare mbikëqyren dhe janë licencuar nga BIK-u.

Sipas tij, imamët në ligjëratat e tyre synojnë, ndër të tjera, që të burgosurit kur të dalin nga burgu të jenë qytetarë të denjë të shoqërisë, duke lënë anash të kaluarën e tyre.

“Një pjesë e imamëve janë trajnuar në Shtetet e Bashkuara të Amerikës (SHBA) dhe në Britaninë e Madhe, ku kanë përfituar nga këto programe dhe kanë ardhur që këto praktika t’i sjellin në Kosovë”, ka shtuar Bajgora.

Kryeimami Sabri Bajgora tregon për fillimin e ligjëratave nëpër burgjet e Kosovës, thekson ndikimin pozitiv te të burgosurit

Kryeimami Sabri Bajgora tregon për fillimin e ligjëratave nëpër burgjet e Kosovës, thekson ndikimin pozitiv te të burgosurit

Publiée par Telegrafi.com sur Mardi 16 octobre 2018

 

Artikulli paraprakMinistri indian jep dorëheqje pas akuzave për sulme seksuale
Artikulli tjetërKërcënon Vuçiq: Largimi i UNMIK’ut na detyron të mbrojmë njerëzit tanë në Kosovë