Kryeparlamentari Xhaferi takim me Ombudsmanët Ziberi, Ballanca dhe Qelaj

Sot Kryetari i Kuvendit të Republikës së Maqedonisë së Veriut, Talat Xhaferi, u takua me Ombudsmanët e Republikës së Maqedonisë së Veriut, z. Naser Ziberi, i Republikës së Shqipërisë, znj. Erinda Ballanca dhe i Republikës së Kosovës, z. Naim Qelaj. Ai u dëshiroi mirëseardhje të ngrohtë në shtëpinë ligjvënëse dhe u përqendrua në rolin kryesor të institucionit Avokat i Popullit, përkatësisht mbrojtjen e të drejtave të njeriut. Në vazhdim, Kryetari Xhaferi e ndau me mysafirët konstatimin për zgjedhjen e paradokohshme të z. Naser Ziberi si Avokat i Popullit dhe informoi se aktet e përgjithshme të Ombudsmanit do të verifikohen në seancën e re të ardhshme.

Marketing

Avokati i popullit Ziberi e falënderoi Kryetarin Xhaferi për takimin dhe shprehu kënaqësi nga bashkëpunimi i deritanishëm ndërmjet institucioneve Kuvendi dhe Avokati i Popullit, me ç’rast shprehu bindje se ky bashkëpunim në të ardhmen do të përforcohet dhe do të fitojë në cilësi.
Znj. Erinda Ballanca, Ombudsman i Republikës së Shqipërisë, pasi falënderoi për mikpritjen, nënvizoi se çdo ardhje e saj në Republikën e Maqedonisë së Veriut i paraqet kënaqësi të madhe, duke pasur parasysh prejardhjen e saj nga Dibra. Ajo theksoi se për të është kënaqësi e madhe Ombudsmani të fitojë statusin “A” të institucionit nacional për të drejtat e njeriut sipas “Parimeve të Parisit”, që kanë të bëjnë me statusin dhe funksionimin e institucioneve nacionale për mbrojtje dhe avancim të të drejtave të njeriut.

Ombudsmani i Republikës së Kosovës, z. Naim Qelaj, shprehu kënaqësinë për progresin e arritur të institucionit në krye të së cilit është vetë ai, që për të paraqet autoritet moral dhe prestigjioz.
Ai e theksoi rolin e rëndësishëm të pushtetit legjislativ në mbrojtjen e pavarësisë së Institucionit Avokat i Popullit. U fokusua edhe në çështjet që akoma presin zgjidhje, duke i përfshirë këtu edhe problemet me buxhetin dhe me mekanizmat mbikëqyrëse pamjaftueshëm të fuqishme.
Bashkëbiseduesit erdhën në konstatim të përbashkët se bashkëpunimi ndërinstitucional është me interes të jashtëzakonshëm për progresin gjithëpërfshirës.

Marketing