Kryetari i Kumanovës u bën thirrje qytarëve për bashkëpunim pas mbylljes së qytetit në karantinë

Kryetari i komunës së Kumanovës Maksim Dimitrievski, nëpërmjet një statusi në fejsbuk u bën thirrje bashkëqytetarëve të tij të bashkëpunojnë dhe të dëgjojnë organet kompetente pas vendimit të qeverisë për të mbyllur qytetin në karantinë nga mbrëmja e sotme deri të hënën në mëngjes.

Marketing

Statusi i plotë në fejsbuk:

Të dashur bashkëqytetarë, numri i pozitiv i të prekurve nga virusi Kovid-19 në Kumanovë është rritur dukshëm.
Vendimi për të kufizuar lëvizjen është i domosdoshëm, të gjithë duhet ta respektojmë atë.
Ne e kemi kërkuar këtë masë që më datën 22 mars. Duhet të jemi të vetëdijshëm dhe të disiplinuar, mund të durojmë deri të hënën, ata që nuk kanë mundësinë të furnizohen me ushqime do të marrin ndihma këto dy ditë.
Shëndeti kolektiv është përparësia numër një.
Më vjen keq për gjithë këtë që po kalojmë.
U bëj thirrje për qetësi dhe pa panik do ta kapërcejmë edhe këtë.
Qëllimi është të parandaloni përhapjen e virusit, të mbani distancën tuaj dhe të qëndroni në shtëpi.

Marketing