Milan të premten ka konfirmuar prezencën në Kosovë më 10 gusht, në një miqësore me Feronikelin në stadiumin ‘Fadil Vokrri’.

Menjëherë pas konfirmimit të kësaj ndeshje, legjenda e klubit, Daniele Massaro, i është drejtuar tifozëve të futbollit në Kosovë me një video –mesazh.

“Miq nga Kosova dhe tifozë të Milanit. Jam Daniele Massaro dhe kam nderin që për tetë vite kam mbajtur fanellën e Milanit”, tha fillimisht Massaro.

“Milani do të organizojë një ndeshje në Prishtinë përballë Feronikelit më 10 gusht. Shihemi në vendin tuaj të bukur. Shpresoj të shihemi shumë shpejt në Prishtinë”, tha Massaro në mes të tjerash.

Biletat për këtë ndeshe do të dalin në shitje shumë shpejtë, dhe çmimet e tyre fillojnë nga 35 euro, dhe vazhdojnë deri në 155 euro.