Drita ka prekur raundin e tretë të kualifikueseve në Ligën e Evropës.
Marketing
Skuadra nga Gjilani, Drita, ka shënuar fitore të lehtë në udhëtim kundër skuadrës së Sileks.
‘Intelektualët’ shënuan fitore 0:2, duke arritur ta mbajnë kështu portën e paprekur.
Goli i parë në këtë takim erdhi nga pika e bardhë e penalltisë, pas një goditjeje të saktë nga Fidan Gërbeshi, në minutën e 48’.
Rezultati final u vendos në minutën e 80’, kur Ardian Limani dërgoi topin në rrjetën e maqedonëve.
Kjo fitore është historike për Dritën, pasi kështu ata bëhen skuadra e parë kosovare që arrin në raundin e tretë kualifikues në Ligën e Evropës, ku do të përballet me Legian e Varshavës.
Marketing
