Liverpool ka marë fitoren e 30 këtë sezon në Premierligë, duke e mposhtur 1:3 Brighton në udhëtim, në kuadër të xhiros së 34-të.

‘The Reds’ tani numërojnë 92 pikë, dhe në katër xhirot e radhës kanë mundësi të kalojnë numrin prej 100 pikësh.

Mohamed Salah në minutën e 6’ kaloi Liverpoolin në epërsi 0-1, para se Jordan Henderson dy minuta më vonë të shtonte avantazhin në 0-2.

Në fund të pjesës së parë, Brighton ngushtoi epërsinë me anë të Leandro Trossard, shkruan lajmi.net.

Rezultatin përfundimtar të takimit, dhe golin e tretë për Liverpool e shënoi Salah, për të cilin ky ishte goli i dytë në këtë ndeshje.