Lojtarët e Man Cityt e tallin Liverpoolin me një këngë

Lojtarët e Manchester Cityt janë filmuar duke e përqeshur Liverpoolin, gjatë kohës sa po e festonin triumfin e vet në Premierligë.

Marketing

Në pamjet e publikuara online shihet disa lojtarë të Manchester Cityt duke e kënduar një parodi të këngës “Allez Allez Allez”, të cilën tifozët e Liverpoolit e krijuan në rrugëtimin e tyre drejt finales së Ligës së Kampionëve këtë sezon.

Në versionin e Citizens, futbollistët e Pep Guardiolës i referohen skuadrës së Jurgen Kloppit si viktima dhe këndojnë: “Kompany e lëndoi Salahun”.

Kjo video ka ngjallur një debat të madh, pasi që futbollistët po akuzohen se janë treguar të pamatur.

Skuadra e Pep Guardiolës e siguroi titullin kampion pasi fitoi me rezultat 4:1 kundër Brightonit në ditën e fundit të sezonit, duke i dhënë fund një betejë të zjarrtë për titull me Liverpoolin, që e përfundoi sezonin vetëm me një pikë më pak sesa rivali.

Manchester City e ngriti lart trofeun në stadiumin ‘Amex”, por pastaj udhëtuan menjëherë me aeroplan në Mançester për t’i vazhduar festimet në stadiumin e tyre, “Etihad”.
Pikërisht në këtë fluturim, lojtarët e Manchester Cityt u xhiruan duke u tallur, sipas Metros.

Pjesa për Kompanyn i referohet ndërhyrjes së ashpër të mbrojtësit belg ndaj Salahut në fitoren 2:1 të Manchester Cityt kundër Liverpoolit në janar.

Teksti i këngës që këndohet nga lojtarët e Cityt:
E gjithë rruga për në Kiev,
Vetëm që t’i japin fund me humbje,
Duke qarë në tribuna,
Dhe të shkatërruar në rrugë,
Kompany e lëndoi Salahun,
Viktimat e gjithçkaje,
Sterlingu i fitoi dy tituj,
Scousers nuk fituan asgjë
Allez, Allez, Allez
Allez, Allez, Allez

https://twitter.com/YourMCFC/status/1128273265603039232?ref_src=twsrc%5Etfw%7Ctwcamp%5Etweetembed%7Ctwterm%5E1128273265603039232&ref_url=https%3A%2F%2Fwww.gazetaexpress.com%2Flojtaret-e-man-cityt-e-tallin-liverpoolin-me-nje-kenge%2F

Marketing