Në Kuvendin e Republikës së Maqedonisë së Veriut me rastin e Ditës së Pavarësisë, u ndanë çmimet tradicionale “8 Shtatori”, me të cilat u jepet mirënjohje sportistëve, trajnerëve dhe punonjësve sportivë për arritjet në fushën e sportit.
Çmimi për veprën jetësore për kontributin e jashtëzakonshëm në zhvillimin dhe afirmimin e sportit këtë vit iu dha Lulzim Vrenezit, garues shumëvjeçar në mundje, i cili tani punon si trajner. Ka garuar në mënyrë aktive për 28 vjet, ndërsa vendi më i mirë që e ka fitoi si mundës është vendi i katërt.
“Ky është çmimi më i madh që kam marrë në jetën time. Falënderoj të gjithë kolegët dhe familjen që janë pjesë e këtij çmimi. “Shpresoj se do t’ju bëjmë të lumtur me një medalje nga Tokio”, tha Vrenezi në ceremoninë e ndarjes së çmimeve.
Përveç çmimit për arritjet jetësore, u dorëzuan edhe katër çmime me të cilat u vlerësuan Sokrat Eftimovski (mundje), Besnik Murati (karate), Vanço Jovanovski (hendboll) dhe Gjorgi Vuçkov (atletikë).
Nga Agjencia për rini dhe sport njoftuan se edhe në të ardhmen do të vazhdojnë të mbështesin të gjithë punonjësit sportivë në vend të cilët me suksesin e tyre promovojnë vendin në planin ndërkombëtarë.
