Ministri i Tregtisë dhe Industrisë së Kosovës, Bajram Hasani, duke folur për masat e fundit mbrojtëse ndaj importeve për pemët dhe primet, ka deklaruar se është masë e përkohshme, e të cilën nuk do ta heq para kohe.
Ai tha se pas këtij vendimi ka pas reagime, derisa përmendi që ka pas një telefonatë nga ministri i Maqedonisë, i cili ka dhënë një sinjal që do të bëjë një masë reciprociteti.
“Por neve na konvenon dhe i tregova edhe ministrit që çfarëdo mase që të ndërmarrin, edhe ne do të ndërmarrim. Ne kemi dëshmi që prodhuesit po dëmtohen”, tha Hasani.
Sipas tij, nga ky vendim më së shumti përfiton bujku dhe nuk do të heq dorë nga ky vendim.
Të gjitha pemët dhe perimet që hyjnë në Kosovë tani e tutje do të duhet të paguajnë një masë të përkohshme prej 30 për qind të vlerës doganore.
Kjo masë është caktuar nga ministri i Tregtisë dhe Industrisë, Bajram Hasani. Vendimi do të hyjë në fuqi me datën 18 të këtij muaji
