Futbollisti i Paris Saint-Germain Kilian Mbappe, transferimi i të cilit nga Monaco ka kushtuar 180 milionë euro, beson se ai dhe kolegët e tij kanë paga tepër të larta.

Mbappe së bashku me Edinson Cavani dhe Neymar është lojtari më i mirë i paguar i kampionit të Francës dhe thotë se kurrë nuk kishte ëndërruar se një ditë do të fitonte kaq shumë.

“Për mua, që jam rritur në kushte modeste, pagat e tilla janë të tepërta. Është e vërtetë se pagat janë të pahijshme, por kështu është tregu. Kështu funksionon futbolli botëror.

Ju vetëm duhet të dini se si ta respektoni këtë dhe të qëndroni në vendin tuaj”, tha lojtari i kombëtares së Francës.

Paga e Mbappe është vlerësuar në rreth 320,000 euro në javë. Sidoqoftë, sulmuesi i ri shpesh është treguar humanitar.

Sipas gazetës “L’Equipe”, ai fitimet nga Kupa e Botës, rreth 440.000 euro, ia ka dhënë një fondacioni humanitar për fëmijët me nevoja të veçanta.
Mbappe shënoi 13 gola këtë sezon për Paris Saint-Germain.