Me ndihmat sociale që merrnin në Zvicër, çifti kishin blerë tri shtëpi!

Çifti është dënuar për mashtrim, sepse shtëpitë e blera nuk janë raportuar te autoritetet zvicerane përkatëse
Një çift në Bosnjë e Hercegovinë është shpallur fajtor nga një gjykatë në Lucern të Zvicrës, sepse nga viti 2008 deri në vitin 2013 kishin tërhequr 140.000 franga ndihma sociale, duke mos raportuar se në të njëjtën periudhë në Bosnjë kishin blerë tri shtëpi.

Marketing

Mediat zvicerane kanë raportuar se çifti është dënuar për mashtrim, sepse shtëpitë e blera nuk janë raportuar te autoritetet zvicerane përkatëse, ku bashkëshortët kanë marrë ndihmë financiare, që sipas ligjeve zvicerane është dashur domosdoshmërisht për ta bërë, përcjell albinfo.ch

Gjykata, sipas raporteve të mediave gjeti se të paktën një nga tre shtëpitë në realitet ishte në emër të tyre, gjë që rezultoi në 14,400 franga dhe ishin dënuar me dy vjet me kusht. Çifti nuk e apeloi aktgjykimin në Gjykatën kantonale.
Mashtrimi u zbulua rastësisht kur një punonjës social shkoi për të vizituar familjen në vendin e banimit në qytetin e Emmenit pranë Luzernit.

Çifti nuk ishte në shtëpi, por dera e punonjësit social u hap nga djali i tyre. Ai tha se prindërit e tij janë në shtëpinë e tyre në BiH dhe se brenda një ose dy javësh ata do të kthehen. Më pas ai tregoi fotot e prindërve të tij në BiH, sipas mediave zvicerane.

Kur deklarata e djalit u paraqiten në gjykatë, prindërit e mbrojtën djalin duke mos ditur se për çfarë po fliste për shkak të një sëmundjeje mendore. Burri dhe gruaja vazhdimisht mohuan posedimin e pronës në BiH, por në fund, të shtyrë nga prova ata pranuan se kishin blerë tre shtëpi nga 2003 në 2006.

Marketing