Messi me një deklaratë që nuk do të dëshironin ta dëgjojnë tifozët e futbollit

Lionel Messi ka pranuar se pensionimi po afron, mirëpo ka thënë se shpreson t’i shijojë edhe shumë vite në top-formë me fanellën e Barcelonës dhe atë të Argjentinës.

Marketing

Kjo deklaratë e superyllit të futbollit vjen pasi ai e fitoi Topin e Artë për vitin 2019 që ishte i gjashti në karrierën e tij – më shumë se çdokush tjetër.

Ai është 32 vjeçar dhe kur është fjala për futbollistë, kjo do të thotë se fundi i karrierës së tij nuk është edhe shumë larg.

“Jam i vetëdijshëm për moshën që kam. Dhe po i shijoj shumë këto momente, sepse e di se pensionimi po afron. Koha fluturon”, ka deklaruar Messi.

Megjithatë, sulmuesi menjëherë e ka sqaruar se nuk e ka në plan të largohet nga futbolli në një të ardhme të afërt, pasi shpreson të luajë edhe për disa vite, varësisht nga gjendja e tij fizike dhe personale.

Marketing