Milani në kërkim të një sulmuesi

Milani prej kohësh është në kërkim të një sulmuesi, dhe së fundmi ka pasur kontakte me disa lojtarë.

Sipas “Mediaset”, drejtuesit kuqezi kanë hedhur sytë nga sulmuesi holandez i Lionit, Memfis Depai. Agjenti i lojtarit kishte një takim në “Casa Milan”, me drejtuesit e Milanit ku mendohet se u fol për një transferim të 25-vjeçarit në Milano.

Sulmuesi ka shprehur dëshirën për tu larguar nga francezët, dhe një transferim në Itali do të ishte shumë i mirë për të ardhmen e Depait.

Kartoni i tij kushton 40 milionë euro, por Milani do të mundohet t’i ofrojë Lionit 30 milionë euro plus bonuse, për të marrë shërbimet e lojtarit.