Ministri i Ekonomisë, Kreshnik Bekteshi bën të ditur se nga periudha 15 mars deri në përfundim të gushtit janë larguar nga 12.500 persona.
“Numrat të cilat i theksoi zonja Dauti nuk do të pajtohem. Vetëm dje në kuadër të seancës së Qeverisë gjatë diskutimit ne kemi pranuar edhe raportin nga Agjencioni i Punësimit ku thuhet që në RMV nga 15 marsi deri në përfundim të gushtit janë larguar nga puna 12.500 persona. Kjo ka të bëjë me transferin e qytetarëve kryesisht ato të cilët merren me bujqësi dhe nuk kanë veprimtari të tjera”, deklaroi në emisionin Click Plus në TV21, Kreshnik Bekteshi – Ministër i Ekonomisë.