Ministri Nuredini u takua me ambasadoren e Zvicrës Zuter Tehada

Mbështetja nga qeveria zvicerane është drejtuar ndër të tjera, në infrastrukturën dhe mjedisin, veçanërisht për mbrojtjen e natyrës, trajtimin e ujërave të zeza dhe menaxhimin e mbeturinave të ngurta, porositi ambasadorja zvicerane Sibil Zuter-Tehada në takimin e sotëm në Shkup me ministrin e Mjedisit të Jetesës dhe Planifikimit Hapësinor, Naser Nuredini

Marketing

Ajo, siç informojnë nga ministria dikasteriale, shprehu mbështetje dhe kënaqësi për qasjen afatgjatë për të gjetur zgjidhje të përshtatshme në përmbushjen e kritereve të BE-së në fushën e mjedisit. Në të vërtetë, si sfidat kryesore, ajo theksoi ngritjen e kapaciteteve të Ministrisë së Mjedisit Jetësor dhe Planifikimit Hapsinor dhe implementimin apo zbatimin e ligjeve.

Ministri Nuredini shprehu vlerësimin dhe mirënjohjen e tij për mbështetjen që Qeveria e Zvicrës e jep për përmirësimin e mbrojtjes së përgjithshme mjedisore, e që paraqet një nga donatorët më të mëdhenj në këtë fushë, e informoi ambasadoren për qëllimet afatgjata të ministrisë, si dhe masat e planifikuara të reformës në këtë sektor.

Marketing