Ministria e Mjedisit Jetësor dhe Planifikimit Hapësinor, pas përfundimit të procesit të konsultimit publik për procesin aktual të shpalljes së një pjese të Vodno-s zonë e mbrojtur në kategorinë V – peisazh i mbrojtur, vlerësoi se në Projekt–vendimin nga aspekti i mbrojtjes së vlerave natyrore nuk ka dyshime. Sidoqoftë, përveç disa vërejtjeve në lidhje me aspektet e tjera të mbrojtjes, konsultimi dhe koordinimi shtesë në nivelin teknik fillon me institucionet e tjera përkatëse shtetërore në përputhje me kompetencat e tyre, përfshirë Qytetin e Shkupit si propozues i iniciativës, me qëllim që të sigurojnë mbrojtje të integruar të zonës.
Për këtë qëllim, MMJPH i dërgoi një ftesë Qytetit të Shkupit, Ministrisë së Bujqësisë, Pylltarisë dhe Ekonomisë së Ujërave, Ministrisë së Transportit dhe Lidhjeve, Qendrës për Menaxhimin e Krizave dhe Drejtorisë për Mbrojtje dhe Shpëtim.
Fokusi i konsultimeve do të jetë në marrjen e pozicioneve në lidhje me disa nga vërejtjet mbi menaxhimin e zonës së propozuar të mbrojtur Vodno, për çështjet që lidhen me: Planin e menaxhimit të përmbytjeve dhe mbrojtjen nga erozioni dhe përrenjtë, Plani për kultivimin dhe mbrojtjen e pyjeve, për urbanizimin, Plani Hapësinor dhe të ngjashme.
