Sektori për sigurinë në komunikacion pranë SPB në Shkup gjatë ditës së djeshme nga ora 22 deri në ora 04 e mëngjesit ka realizuar një akcion për zbulimin e shoferëve të cilët drejtojnë makinat nën ndikim të alkoolit.
Nga ana e policisë janë kontrolluar 187 shofer dhe prej tyre tek 33 është vërtetuar prania e konsumimit të alkoolit derisa janë zbuluar edhe 50 shkelje tjera.
Në lidhje me drejtimin e makinave me shpejtësi të tepruar nga e lejuara është zhvilluar gjithashtu një aksion nga ora 6 e mëngjesit deri në ora 22 e mbrëmjes ku është konstatuar se 47 shofer kanë shkelur shpejtësinë e lejuar.
Gjithashtu janë konstatuar edhe 82 shkelje tjera ku janë shqyptuar 21 dënime, ndërsa janë ngritur 24 makina të cilat ishin parkuar në vende të palejuara.
