Sot në Çair, në sallën sportive Shaban Tërstena, u mbajt tubim përkrahes për kandidatin e përbashkët konsensual të LSDM-së dhe BDI-së për President, Stevo Pendarovski, ku mori pjesë edhe kryetari i LSDM dhe kryeministri, Zoran Zaev.
Ajo që ra ne sy ishte mospjesëmarrja e deputetit të LSDM-së, Muhamed Zekiri.
TetovaSot merr vesh që pas deklaratave të fundit në kundërshtim me partitë shqiptare, Mukit i është ndaluar pjesëmarrja në Çair për arsye se çdo deklaratë e tij acaron votuesit shqiptar dhe shkon në dëm të kandidatit konsensual Stevo Pendarovski dhe në favor të opozitës.
Ndryshe, në këtë tubim, Stevo Pendarovski ka pershendetur të pranishmit në gjuhën shqipe.
“Përshëndetje, Mirëdita, jamë në komunën time dhe lagjen time”, kështu e filloi fjalimin në Çair kandidati për president Pendarovski, që u shoqërua me duartrokitje nga të pranishmit./TS
