Rënia e Katica Janevës si prokurore e parë speciale ishte si katalizator për përballje me të pashmangshmen, gjetjen e një zgjidhje finale për statusin e PSP-së, si do të vazhdojë të punojë e njejta, në çfarë forme dhe kapaciteti.
Rasti “Zhvatja” shkaktoi një lëndim të rëndë në gjyqësi, e kështu ekzistojnë dyshime që përsëri partitë politike do të sjellin vendim e cila do të bazohet në zinxhiret politike, në vend se reformave në Prokurori.
Profesoresha universitare Mirjana Najçevska në një intervistë për Faktor ka folur për paraburgimin e Janevës, për hetimin e Prokurorisë Publike dhe për fatin e PSP-së.
Siç thotë mes tjerash Najçevska, arrestimin e Janevës e quajti si një shenjë pozitive se sistemi funksionon dhe askush nuk është i padënueshëm.
“Kjo flet për një kuadër të keq politik, për kompromise për çështje të cilat nuk pranojnë kompromise dhe për mungesë të kuptimit se sa është i rëndësishëm faktori njeri kur bëhet fjalë për menaxhim me krim të lartë të njerëzve të cilët kanë qenë dhe janë në pozita të larta në pushtet, apo kanë fuqi e cila del nga statusi i tyre në bashkësi”, deklaron Najçevska.
Sa i përket hetimit të rastit më të fundit “Zhvatja”, Najçevska tha se ajo pajtohet me prokuroren Ruskoska e cila tha se ky rast nuk duhet të shëndrohet në një “reality show”.
“Pajtohem me Ruskoskën, mirëpo në situatë kur ekziston zinxhir i qartë në sistemin gjyqësor për mbulimin e shkeljeve të ligjit nga ana e funksionarëve të lartë, konsideroj se ndikimi i opinionit është i domosdoshëm”, thotë Najçevska
Sa i përket fatit të PSP-së, Najçevska konsideron se zgjidhjet e reja duhet të hapin dyer për përgjigje institucionale e jo politiko-partiake.
“Ingerencat duhet të kthehen në institucione, ndërsa përzierja e partive të jetë në pjesën e caktimit të kuadrit sa më kualitativ dhe më të pavarur. Duke patur parasysh përvojën e deritanishme, nuk pres ndryshime spektakolare, dhe, nuk mendoj se parititë janë pjekur deri në nivelin të kuptojnë domosdoshmërinë nga ekzistimi i mekanizmave të vërteta kontrolluese të qeverisë, dhe jo të strukturave marionete të cilat duhet të krijojnë iluzione kontrolli.