Në Bularat është ngritur një lapidar, pikërisht në vendin ku është vrarë Kostandinos Kacifas. Herët në mëngjes kanë ardhur edhe banorë të Bularatit për të vendosur lule dhe një flamur grek.

Kacifa u vra në një vend që është 40 minuta larg në këmbë nga fshati. Gazetarja Anila Hoxha thotë se forcat RENEA kanë shkëmbyer zjarr me të ndjerin për rreth dy orë, përpara se Kacifa të mbetej i vrarë.

Herët në mëngjes, kanë qenë të pranishëm ekspertë të kriminalistikës, të cilët kanë kqyrur vendin e ngjarjes për gëzhoja, por nuk kanë gjetur të tjera. Thuhet se i ndjeri ka shtënë 44 plumba në drejtim të policisë. RENEA shprehet se i është bërë thirrje që të dorëzohet, por 35-vjeçari nuk ka pranuar.

Artikulli paraprakNisin hetimet për keqpërdorimet gjatë marrjes së pasaportave bullgare
Artikulli tjetërDraft-amendamentet për ndryshime të Kushtetutës deri në fund të javës në Kuvend