Të martën do të dihet nëse Kuvendi i Republikës së Maqedonisë do t’ia marrë mandatin ish-kryeministrit të Maqedonisë, ndërsa tani deputetit Nikolla Gruevski, i cili është dënuar në dy vite burg për mercedezin luksoz në lëndën.

Kjo pikë e rendit të ditës është theksuar në faqen e internetit të Kuvendit për nesër në orën 12:00.
Anëtarët e grupit të pavarur parlamentar të VMRO-DPMNE-së, të premten kanë thënë se nuk do të votojnë për revokimin e mandatit të ish-liderit të VMRO-DPMNE-së.

Të premten, Gjykata Penale njoftoi se një gjykatës për zbatimin e sanksioneve kishte hedhur poshtë kërkesën e Gruevskit për shtyrjen e dënimit.

Gruevski u shpall fajtor dhe u dënua me dy vjet burg më 23 maj në procesin gjyqësor “Tanku”. Në këtë rast edhe ish-ministrja e Brendshme, Gordana Jankulloska u dënua me gjashtë vjet burg.