Rreth 107 të burgosur që ishin mes 1.844 të dënuarve që u arratisën gjatë një sulmi në burgun e tyre në qytetin Owerri në shtetin Imo të Nigerisë u dorëzuan, raporton Anadolu Agency (AA).
James Maduba, zëdhënësi i burgut Owerri, tha se kërkimi për të burgosurit e tjerë që u arratisën nga burgu më 5 prill vazhdon.
Ministri i Brendshëm nigerian, Rauf Aregbesola, më herët tha se të dënuarit e arratisur nuk do të dënohen më tej nëse kthehen vullnetarisht.
Marketing
Persona të armatosur përdorën eksplozivë për të hapur me forcë portën e burgut dhe sulmuan burgun.
Gjatë incidentit, 35 të burgosur refuzuan të arratisen, ndërsa gjashtë të tjerë janë kthyer vullnetarisht.
Zyrtarët njoftuan se një hetim mbi thyerjen e burgut është nisur.
Marketing
