Aktorja e njohur Hollywood, Jessica Campbell, ka ndërruar jetë në moshën 38-vjeçare me datë 29 dhjetor në Portland.
E ndjera, ka lënë pas djalin e saj dhjetëvjeçar, Oliver, teksa njerëzit pranë saj kanë deklaruar se humbja e saj ishte e papritur.
Lajmin e ka konfirmuar kushërira e Campbell, Sarah Wessling, në një faqe ‘GoFundMe’.
Shkaku i vdekjes së Jessica nuk është zbuluar akoma, por Wessling i tha TMZ se familja e saj po pret rezultate nga Zyra e Qarkut Multnomah në Oregon.
TMZ deklaroi se tezja dhe ndihmës mjekët e thirrur u përpoqën ta shpëtonin Campbell por fatkeqësisht nuk i’a dolën.
Megjithatë, nuk përjashtohet mundësia që ajo të ketë qenë e infektuar me Covid-19 pasi pak ditë para vdekjes, është shprehur se nuk ndihej mirë dhe mendonte se ishte ftohur.
