U projektua se do të ishte një nga më të mirët në botë, por Poul Pogba duket se nuk po respekton parashikimet.

Francezi ka një ulje drastike të performancës që reflekton edhe në vlerën e tij në tregun e transferimeve. Mesfushori i Manchester United i kushtëzuar edhe nga dëmtimet ka luajtur shumë pak këtë sezon duke bërë që tashmë shitja e tij të jetë një fakt i pashmangshëm nga drejtuesit e United.

Dëmtimet e shumta dhe polemikat e shkaktuara nga menaxheri italian Mino Raiola, mund të ulin ndjeshëm çmimin e kampionit të botës. Mendohet se Pogba mund të transferohet nga “Old Tramfford” për shifrën e 50 milionë eurove.