Numri i të infektuarve me koronavirus në Kinë po bie në mënyrë drastike

Epidemia e koronavirusit në Kinën ka shënuar rënie, njoftoni të enjten Komisioni Kombëtarë i Shëndetit, pasi regjistroi vetëm tetë infeksione të reja në provincën Hubei.

Marketing

Ky është numri më i vogël i rasteve që prej janarit kur shpërtheu ky virus i njohur si Covid-19, në provincën Hubei.

Me ngadalësimin e dukshëm të përhapjes së virusit, shumë biznese janë rihapur nën masat të rrepta të kontrollit.

Provinca Hubei, ku u shfaq koronavirusi, njoftoi të enjten për heqje të pjesshme të kufizimeve të udhëtimeve dhe gjithashtu do të lejojë që disa industri të rifillojnë prodhimin në dy qytetet.

“Në përgjithësi, kulmi i epidemisë ka kaluar në Kinë,” tha Mi Feng, zëdhënës i Komisionit Kombëtar të Shëndetit.

“Rritja e rasteve të reja po bie,” tha ai, raporton Reuters, transmeton lajmi.net.

Ndërsa virusi po përhapet shpejt globalisht, progresi i tij në Kinë është ngadalësuar ndjeshëm në shtatë ditët e fundit, një rezultat i masave të rrepta të vendosura për të kontrolluar lëvizjen e njerëzve dhe trafikun, duke përfshirë bllokimin virtual të Wuhan, një qytet me 11 milionë banorë.

Në përgjithësi, të mërkurën janë shënuar vetëm 15 raste në territorin e Kinës.

Ndërkohë, të mërkurën vdiqën 11 persona shkaku i virusit, duke rritur numrin e përgjithshëm në 3.169. Numri i të infektuarve në Kinë deri të mërkurën mbrëma, është 80.793.

E derisa në Kinë po shënohen përmirësime, në vendet tjera të botës ka përshkallëzim të situatës. Kjo ka shtyrë të mërkurën Organizatën Botërore të Shëndetësisë ta shpallë këtë virus si pandemi

Marketing