Vendimi për të mos na dhënë një datë ishte ekskluziv i Presidentit Macron, tha Bujar Osmani në emisionin “200” në Alsat.

I pyetur për optimizmin në vitin 2018 që caktimi i një date për fillimin e negociatave me BE-në është një marrëveshje e kryer, Osmani tha se aksioni i presidentit francez ishte i papritur për shumë diplomatë evropianë.

“Komisionerët nga Komisioni Evropian na shkruanin mesazhe duke thënë se nuk duhet të shqetësoheni për ditën e hënë sepse puna është bërë. Komisionerët nga KE ishin të bindur të gjithë. Ka pasur njerëz që kanë përgatitur një vizitë këtu në ditën e marrjes së datës. Ishte thjesht e papritur, ishte vendimi ekskluziv i Presidentit Macron të cilin ne e respektojmë, është fuqia e tij e vetos për të vlerësuar procesin e zgjerimit dhe ne u kemi thënë atyre se do të jemi së bashku për të rivlerësuar procesin e zgjerimit.

Por ne nuk kemi asnjë alternativë, ne do të vazhdojmë të reformojmë vendin sepse qytetarët tanë duan një shtet evropian, dhe e dyta jemi të bindur që edhe Evropa nuk ka alternativë. Ne nuk jemi një rajon larg BE-së, ne jemi në zemër. Asnjë Union nuk mund të lejojë një vrimë të fshehur në zemrën e saj që mund të jetë një burim problemesh dhe paqëndrueshmërie”, tha Osmani.

Artikulli paraprakSi është ngritur biznesi i vajit të kanabisit në Maqedoni
Artikulli tjetërPërfundon numërimi i votave të diasporës, prin bindshëm Vetëvendosja