Paraburgim për dy të dyshuar për trafikim të 50 kg lëndëve narkotike

Prokurori Publik deri te Gjykata Themelore e Ohrit ka sjell urdhëresë për të nisur procedurë hetimore kundër dy personave për shkak të dyshimeve se kanë kryer vepër penale – Prodhim i pa autorizuar i lëndëve narkotike dhe futja e tyre në treg, në bazë të Kodit Penal të Maqedonisë, neni 215, paragrafi 1 që ka të bëjë me nenin 22.

Të dyshuarit më 18 korrik të vitit 2019 në mënyrë të jashtëligjshme me qëllim futjen në treg, kanē transportuar lëndë narkotike të tipit marijuanë të paketuar në 48 paketime si dhe 49,68 drogë të llojit kokainë. Droga ka qenë e kamufluar në një makinë të tipit ‘FORD C MAX’, të cilën ka qenë duke e drejtuar 53 vjeçari i dyshuar nga Struga. Para tij me makinë të tipit Fiat ka qenë duke lëvizur i dyshuari i dytë një 31 vjeçar po ashtu nga Struga. Ata duke u kthyer nga Shën Naumi i Ohrit, kanë qenë në komunikim të vazhdueshëm, me qëllim që i dyshuari me makinën e parë në lëvizje të njoftojë të dyshuarin tjetër në rast se në rrugë gjenden policë. Një paralajmërim i tillë është kryer kur i dyshuari në makinën e tipit Fiat Punto është ndaluar nga policia. Pas njoftimit të të dyshuarit se në rrugë gjendet policia i dyshuari tjetër është vënë në arratisje përgjatë vendit të quajtur Raça, mirëpo policia ka arritur ta arrestojë.

Me qëllim qē hetimi të vazhdojë pa pengesë, prokurori publik përgjegjës i lëndës deri te gjykatësi ka dorëzuar propozim për shqiptimin e masës së paraburgimit për të dyshuarit.