Në këtë ditë ne kujtojmë themeluesit e lëvizjes revolucionare maqedonase, të cilët udhëhiqeshin nga idealet dhe parimet e drejta që ishin përpara kohës së tyre në rajonin tonë, tha presidenti Stevo Pendarovski sot në urimin për qytetarët. me rastin e 23 Tetorit – Ditës së luftës revolucionare maqedonase.
Kreu i shtetit theksoi se këto ishin ideale për një republikë të lirë maqedonase, bazuar në parimet demokratike, në të cilën do të ketë bashkëjetesë midis bashkësive të ndryshme etnike, fetare dhe gjuhësore.
Sot, 127 vjet më vonë, shton ai, është detyra jonë e brezave jo vetëm të ruajmë përfitimet e paraardhësve tanë, por edhe të hedhim hapin tjetër.
“Të ndërtojmë Republikën e Maqedonisë së Veriut në një vend të përparuar Evropian me institucione funksionale dhe të përgjegjshme, shtetin e së drejtës dhe një shoqëri të lirë dhe gjithëpërfshirëse”, tha presidenti.
Si pjesë e kremtimit të festës kombëtare, delegacione nga Kabineti i presidentit sot vendosin lule para përmendores të Goce Dellçev në Parkun e Qytetit në Shkup dhe Shtëpinë përkujtimore të Petar Pop Arsov në fshatin Bogomil.
