Mosrespektimi i ndalesës për lëvizje nënkupton kryerje të veprës penale “mosveprim sipas rregullave shëndetësore” gjatë kohës së epidemisë në bazë të nenit 206 të Kodit penal, ka bërë të ditur Prokuroria publike e Republikës së Maqedonisë së Veriut, krejt kjo lidhur me vendimin e Qeverisë në territorin e mbarë vendit që të vendoset ndalesë e lëvizjes së popullatës në periudhën prej orës 21 deri ora 6, me qëllim të parandalimit të përhapjes së sëmundjes infektuese Kovid-19 dhe mbrojtjes së popullatës.

“Për këtë vepër penale përgjigjet kur në kohën e epidemisë të ndonjë sëmundje të rrezikshme ngjitëse nuk veprohet sipas rregullave ose urdhrave me të cilat përcaktohet masë e çrrënjosjes së saj ose parandalimit. Për nenin 1, për të cilën është shkruar përgjegjësi e personit fizik, është paraparë dënim në para ose burg deri në një vit, ndërsa në bazë të nenit 2 nëse veprën e kryen person juridik, dënim në para deri në 30 milionë denarë”, shpjegojnë në komunikatën e tyre nga Prokuroria publike.