Përplaset autobusi, 29 persona të vdekur deri tani

Një autobus është përplasur në veri të Indisë duke lënë 29 të vdekur.

Marketing

Aksidenti i rëndë ndodhi mëngjesin e së hënës dhe raportohet se autobusi po ecte me shpejtësi.

Zëdhënësi i qeverisë, Awanish Awasthi tha se shumica e udhëtarëve po flinin kur aksidenti ndodhi në autostradën Yamuna në afërsi të Agrës.

Autobusi po udhëtonte drejt New Delhi. Ai u përplas me bordurën e autostradës dhe ra në një kanal.

Ndërsa të paktën 18 pasagjerë të tjerë kanë mbetur të plagosur. Nuk dihet ende nëse shoferi është mes të vdekurve.

Shkaku i aksidentit po hetohet nga autoritetet.

India ka rrugët më vdekjeprurëse në botë, me rreth 150,000 të vrarë dhe 470,000 të plagosur çdo vit.

Marketing