Kryetari i Partisë së Re Socialdemokrate (PRSD) Tito Petkovski konsideron se duhet të ketë referendum konsultativ për shkak të kushteve të vendosura nga Bullgaria për anëtarësimin e Maqedonisë të Veriut në BE. Ai thotë se si bartës të sovranitetit, qytetarët duhet të kenë fjalën e fundit, dhe ai synon të ngrejë iniciativë të tillë sepse ka të bëjë me çështje që hyjnë në sferën e identitetit dhe sovranitetit.
“Ne sjellim idenë e mbajtjes së një referendumi konsultativ në të njëjtën kohë në zgjedhjet lokale. Sidoqoftë, njerëzit do të shkojnë në qendrat e votimit dhe do të pyesin qytetarët nëse duan në këto kushte të ofruara nga Bullgaria të fillojnë negociatat për të përcaktuar kornizën e negociatave. Vetëm në atë mënyrë, vendimet e kryeministrit të Qeverisë do të kenë besueshmëri dhe mbështetje nga njerëzit, ne do t’ia lehtësojmë pozicionin e tij. Në ndërkohë, do të ketë regjistrim të popullsisë në fund të shtatorit dhe ne do të shohim saktësisht se sa bullgarë do të votojnë dhe zgjedhjet në Bullgari do të përfundojnë, nëse ka ndryshime në pozicionin e Qeverisë së re bullgare”, tha Petkovski nga Tetova, ku u realizua takim rajonal i degëve lokale partiake.
Mosmarrëveshja në BE mbi kornizën e negociatave është humbje për vetë BE-në, si dhe për Bullgarinë, konsideron kryetari I PRSD-së.
