Qeveria do të publikojë masat nga paketa e katërt të dielën. Sot mbahen konsultimet e fundit e ekipit ekonomik të ministrave me përfaqësuesit e odave ekonomike, për nesër është caktuar takim i zëvendëskryeministrit Bitiqi me ministren e Punës dhe Politikës Sociale Jagoda Shahpaska me Pakon sociale ekonomike dhe të dielën Qeveria duhet të vendos në seancën e caktuar për në orën 10.

Këtë e kumtoi kryeministri Zoran Zave në përgjigjen e pyetjes së gazetarëve gjatë vizitës së sotme në Luboten, duke potencuar se me këtë po përmbyllen debatet për zhvillimin e masave.

Ai theksoi se masat i referohen periudhës deri në fund të vitit dhe një pjesë do të sillen përmes vendimeve të Qeverisë, një pjesë duhet të kalojë në Kuvend, sepse, siç sqaroi ai, tani ato nuk miratohen me dekrete të Qeverisë si më parë gjatë gjendjes të jashtëzakonshme.

“Besoj se do të përfshijmë masa për tre muajt e vitit dhe se kemi hapësirë ​​deri më 15 tetor të miratohen nga Parlamenti”, potencon Zaev.

Sipas tij, buxheti është në kondicion dhe për momentin Qeveria është e përqendruar në mbështetjen e ekonomisë, vendeve të punës dhe qytetarëve më të varfër, sepse, siç tha ai, kjo është mënyra e vetme në të cilën ne mund të presim të ardhura në të ardhmen, përmes mbajtjes së vendeve të punës.

Tani për tani masat janë paraparë deri në fund të vitit, ndërsa për të reja do të bisedohet në dhjetor.

“Jemi racionalë në vendimet tona. Nuk duhet të marrim vendime nga tani deri në mars. Marrim vendime brenda një viti buxhetor. Ndoshta në dhjetor ne do të zhvillojmë paketat e radhës për nga janari deri në mars, prill, maj deri kur do të jenë parashikimet. Deri në fund të vitit, ne tashmë presim që të ekzistojë vaksinë në botë, ilaçe dhe momenti psikologjik për të shkarkuar ekonominë e Maqedonisë në mënyrë që ekonomia të mund të lëvizë edhe më mirë. Kjo është arsyeja pse ne kemi zhvilluar, në përputhje me ligjin, masa që zgjasin deri në tre muaj. Por, do të shihni në paketë ka masa që zbatohen për fundin e vitit 2021. Kemi vonesa në akontacione, lirimin nga taksat që kompanitë duhet t’i dinë tani”, tha Zaev, duke shtuar se jo të gjithë vuajnë njësoj nga kriza, disa kanë një ndikim 100 për qind, disa 30, disa më pak.

Lidhur me subvencionimin e pagave në baza etnike, Zaev theksoi se kjo përcaktohet qartë në programin në faqen 39 në pjesën ku bëhet fjalë për kujdesin për barazinë në ndihmë, pra zhvillimin e ekuilibruar rajonal.

“Qytetarët janë të barabartë, barazia duhet të përfaqësohet, por nuk mund të themi se jemi të barabartë nëse rajoni i Kumanovës ka më së shumti të papunë, i ndjekur nga Shkupi dhe të gjitha rajonet e tjera. Kjo nënkupton një orientim të veçantë nga rajonet ku ka papunësinë më të lartë. Në veçanti, nuk mund të themi se fshatrat dhe qytetet tona janë të zhvilluara në mënyrë të barabartë, që do të thotë një përqendrim më i madh në fshatra në drejtim të mbështetjes së punës, investimeve ose zhvillimit të aspekteve të përgjithshme ekonomike, tha Zaev.