Shoqata e Gazetarëve të Maqedonisë dënon sjelljen e pjesëtarëve të Ministrisë së punëve të brendshme, të cilët nuk lejuan ekipin e gazetarëve të Radiotelevizionit të Maqedonisë të xhirojnë sekuencë me rastin e festave të Pashkëve, para dhe në oborrin e kishës në Shkup.
“Më 27 prill rreth orës 11 para kishës “Shën Apostujt Pjetër dhe Pali” në Lisiçe të Epërme, kameramanit Trajçe Ilievski dhe gazetares Marija Kostovska nga RTM nuk u është lejuar që të futen në oborrin e kishës dhe të xhirojnë sekuencë nga ana e personave në uniformë të MPB. Sipas ekipit të gazetarëve, arsyeja e policëve ishte se kameramani dhe gazetarja nuk duhet të jenë aty për shkak të prezencës së paralajmëruar të një delegacioni të lartë”, informon SHGM.
Nga Shoqata thonë se indikacioni i këtillë është problematik sepse u tregua që nuk bëhet fjalë për delegacion të lartë, dhe po të ishte ashtu, policia nuk mund të dëbojë ekipin e gazetarëve, por në të kundërtën duhej që t’u sigurojë hapësirë prej ku ata në mënyrë të sigurt do të kryenin detyrën e tyre.
“Për këtë procedurë të paarsyeshme të përfaqësuesve të MPB me të cilën është penguar puna e kameramanëve dhe gazetarëve, SHGM do të parashtrojë ankesë deri në Departamentin për kontroll të brendshme, hetime të krimit dhe standarde profesionale pranë MPB”, thuhet në kumtesën e SHGM-së.
