COVID-19 ka prekur çdo sferë të jetës, pra edhe sportin, pra edhe futbollin.

Këtë po e vuan dhe Alexander Nubel, portieri i Bayern Munchen, i cili po pëson humbje të mëdha financiare nga kriza e COVID-19.

23 vjeçari sapo ka nënshkruar një kontratë me bavarezët dhe do t’i bashkohet atyre me 1 korrik, pasi kontrata me Schalke 04 i skadon me 30 qershor.

Por FIFA dhe UEFA po mendojnë që të bëjnë një ligj ku lojtarëve të cilëve i skadon oferta me skuadrat e tyre aktuale të mbeten akoma aty për shkak të pezullimit të të gjitha ligave.

Kjo gjë mund t’i kushtojë talentit hiç më pak se 12 mijë euro në ditë gjë që e bën atë shumë të frustruar me këtë fakt.