Danimarka ka telashe në strukturat udhëheqëse të futbollit.

Pak ditë përpara fillimit të UEFA Nations League, tek Kombëtarja e Danimarkës është një kaos total. Bëhet fjalë për kontratat e sponsorizimeve dhe në debat janë shoqata që mbron lojtarët e Kombëtares, me federatën daneze të futbollit.

Tratativa mes palëve është ndërprerë më 31 gusht dhe bëhet fjalë për një marrëveshje të re që përfshin lojtarët e thirrur në të kaluarën, dhe ata të cilët do të thirren në të ardhmen.

Sipas mediave, federata e ka deklaruar tërheqjen e saj nga turneu, për sa i përket ndeshjeve me Sllovakinë dhe Uellsin. Mungesa e një marrëveshjeje, ka sjellë dhe largimin e lojtarëve nga grumbullimi e kthimin e tyre në shtëpi.

Por, nuk mbaron me kaq. Tani Danimarka mund ta shohë veten edhe pa trajner, duke parë që tekniku Haraide e zëvendësi i tij Tomasson, nuk janë më në grumbullim. Vendi skandinav rrezikon masa shumë të rënda, duke përfshirë këtu dhe përjashtimin nga të gjitha kompeticionet e tjera të UEFA-s.