Lënda për arratisjen e ish kryeministrit, Nikolla Gruevski në Hungari ende është në procedurë parahetimore në Prokurorinë Publike. Ashtu siç thonë nga Prokuroria për “Fokus”, prokurori kompetent po i ndërmerr të gjitha masat e patjetërsueshme që të zbardhet rasti, njofton Portalb.mk
“Janë dhënë disa urdhra për mbledhjen e dokumentacionit, janë siguruar edhe të ashtuquajturat “Save sity” incizime, incizime nga video-kamerat e pikave kufitare, por edhe një sërë njoftimesh nga institucionet. Njëkohësisht, është kërkuar edhe ndihmë juridike ndërkombëtare. Për momentin janë duke u shqyrtuar video-incizimet e kamerave të sigurisë. Duke e pasur parasysh se bëhet fjalë për material të madh që duhet të analizohet është e nevojshme kohë që të miratohet vendim përkatës prokurorial”, thuhet në përgjigjen e Prokurorisë në lidhje me procedurën për arratisjen e Gruevskit.
Edhe nga Ministria e Punëve të Brendshme thonë se opinioni do të informohet në mënyrë përkatëse për gjetjet dhe njohuritë nga hetimi. Në polici po zhvillohet procedurë për shqyrtimin e përfshirjes eventuale të zyrtarëve policor dhe personave të jashtëm në arratisjen e ish kryeministrit, pak para se të shkojë në burg.
Ndryshe, Gruevski më 20 nëntor një letre të gjatë shpjegoi se si ka arritur të fitojë azil nga autoritetet hungareze. Më 13 nëntor, Gruevski u paraqit në rrjetin social Fejsbuk se e ka lëshuar Maqedoninë për shkak të kërcënimeve dhe ka kërkuar azil politik në Hungari. Njoftimi i Gruevskit erdhi pasi që MPB-ja lëshoi fletë-arrest. Shkuarja e Gruevskit në Budapest ka ardhur pas njoftimit të Gjykatës në Maqedoni që i njëjti të paraqitet në Burgun e Shuto Orizares për ta vuajtur dënimin me burg prej dy vjetësh në rastin “Tank” të prokurorisë Speciale Publike për furnizimin e mercedesit e vlerë pre rreth 600.000 euro.
Gruevski, edhe pse s’ka pasur pasaportë ai në Hungari ka arritur nga Shqipëria, ku me ndihmën e diplomatëve hungarez ka kaluar në Mal të Zi, Serbi dhe në fund në shtetin me të cilin udhëheq konservatori dhe miku i tij, Viktor Orban.
