Dhjetëra mijëra persona janë mbledhur në Minsk për të kundërshtuar rizgjedhjen e Aleyksandr Lukashenkas në postin e presidentit, por edhe për të dënuar shtypjen e protestave nga autoritetet.
Në këtë protestë raportohet se ka prezencë të shtuar ushtarake.
Kjo është dita e 15-të me radhë që në Bjellorusi po mbahen protesta kundër Lukashenkas.
Mijëra persona janë mbledhur në “Sheshin e Pavarësisë”, duke valëvitur flamurin e Bjellorusisë. Në protestën që po quhet si “Marshi për Bjellorusinë e re” raportohet se po marrin pjesë mbi 100 mijë persona.
Protestuesit po brohorasin “Largohu”, një referencë kjo ndaj Lukashenkas, të cilit po i kërkojnë që të largohet nga pushteti. Lideri autoritar bjellorus udhëheqë me vendin qe 26 vjet.
Para nisjes së protestës, Ministria e Mbrojtjes njoftoi se ushtria do të përkujdeset që memorialet kombëtare të mos sulmohen nga protestuesit. Kjo ministri, përmes një njoftimi për media, tha se nëse monumentet dhe statujat bëhen cak i protestuesve, atëherë protestuesit do të përballen me forcat policore dhe ushtrinë.
Duke i përshkruar protestuesit si “fashistë”, Ministria e Mbrojtjes tha se memorialet – veçanërisht ato që iu dedikohen viktimave të Luftës së Dytë Botërore – nuk duhet të sulmohen nga protestuesit.
Ministria paralajmëroi se forcat ushtarake do të ndërhyjnë nëse ka shkelje të paqes, duke i porositur protestuesit : “Tani ju do të përballeni me ushtrinë dhe jo me policinë”.
Deklarata e lëshuar nga Ministria e Mbrojtjes vjen në kohën kur në Minsk janë parë duke u sjell forca të ushtrisë.
Many vehicles carrying soldiers and barbed wire have moved along Partyzanski Ave in #Minsk. Today a protest march is to start at 2 pm in #Belarusian capital. Video by #Belsat reader #Belarus #BelarusProtest #BelarusSolidarity https://t.co/TLrLfPqAp6
— Belsat in English (@Belsat_Eng) August 23, 2020
Kanali NEXTA , ka raportuar se përgjatë rrugëve hyrëse për në kryeqytetin bjellorus, Minsk, policia ka vendosur pika të kontrollit.
Në ndërkohë, trupi i një 28-vjeçari është gjetur në një pyll në afërsi të Minskut dhe trupi i tij kishte shenja të dhunës. Sipas një ueb-faqe të lajmeve, Mikita Kryutsov, ishte zhdukur pasi kishte marrë pjesë në një protestë në Minsk më 12 gusht.
Deri më tani, dy persona janë konfirmuar se kanë vdekur në protestat në Bjellorusi.
Zgjedhjet presidenciale në Bjellorusi, që u mbajtën më 9 gusht, janë kritikuar edhe nga Bashkimi Evropian, që ka thënë se nuk do ta njohë rezultatin zgjedhor. Në këto zgjedhje, Lukashenka thotë se ka fituar mbi 80 për qind të votave.
Shtetet e Bashkuara po ashtu kanë kritikuar procesin zgjedhor dhe kanë dënuar shtypjen e protestave.
Mbi 7,000 protestues raportohet se janë burgosur dhe qindra të tjerë janë rrahur nga policia.
blob:https://www.evropaelire.org/c06eb440-d69c-4092-9b2c-24e21e075af3
