Kryeministri i vendit Zoran Zaev në dalje për media pas mbledhjes së rregullt të Qeverisë, tha se Qeveria e ka pranuar propozimin e Komisionit për sëmundje Infektive që objektet hotelierike të punojnë deri në ora 18:00.
“Gjendemi para një sfide të re në luftën tonë me pandeminë të shkaktuar nga Kovid-19. Qeveria ka sjell vendim që të pranoj rekomandimet e Komisionit për Sëmundje Infektive. Masat do të hyjnë në fuqi më 18 dhjetor dhe do të zgjasin deri më 20 janar në mesnatë, me qëllim që të shmanget rritje e të infektuarve me Kovid-19. Masat kanë të bëjnë me kufizimin e orarit të punës të objekteve hotelierike, grumbullimi i më shumë personave në hapësira të hapura dhe të mbyllura në prag të festave të fund-vitit, e kështu me radhë”, deklaroi Zaev.
Masat mbajnë emrin “festo me kujdes”.
