Qeveria teknike dhe organizimi i zgjedhjeve ngjall pasiguri te bizneset, vlerëson sektori privat.Nga OEMVP për TVM 2 thonë se sektori i biznesit do të ketë hezitim të investojnë për shkak të paqëndrueshmërisë politike.

Sipas drejtorit ekzekutiv të kësaj ode, sektori privat pritet “të marrë frymë më lehtë” gjatë tremujorit të tretë të vitit, por kjo, sipas tij, është shumë vonë për të ndikuar në zhvillimin e përgjithshëm ekonomik.

“Sipas parashikimeve tona, do të jetë vit shumë sfidues, për faktin se kemi qeveri teknike që nga fillimi i vitit. Realisht pritjet janë që ndonjë lëvizje reale të ndodh më në kuartalin e tretë që është shumë vonë. Do të jetë vit shumë sfidues për faktin se do të ketë ngecje në investimet kapitale. Bizneset do të hezitojnë të realizojnë projektet investuese për faktin se nuk ka qëndrueshmëri institucionale dhe politike.”,- tha drejtori ekzekutiv i OEMVP-së, Drilon Iseni.