Manchester United dhe Real Madrid janë futur në një garë të ashpër për shërbimet e yllit të Ajax.

Donny Van de Beek është lojtari që ka përfunduar në shënjestrën e dy gjigantëve të futbollit evropian, Real dhe United.

Duket se Real Madrid është skuadra në ‘pole position’ për të siguruar shërbimet e lojtarit, sipas raportimeve të ‘Mirror’.

Çmimi i kërkuar nga kampionët e Holandës për yllin e mesfushës duket sikur ka ‘përjashtuar’ nga gara skuadrën e Man Utd.

22 vjeçari thuhet se mund të jetë në dispozicion nëse paguhen 100 milionë euro, kurse United ka hedhur poshtë mundësinë për të paguar një shifër të tillë.

E ardhmja e Van de Beek mund të ketë impakt të madh edhe në të ardhmen e Paul Pogban e United, i cili gjithashtu lidhet me një kalim të mundshëm tek Real Madrid.