FIFA ka kërkuar që skuadrave t’u mundësohen të përdorin pesë zëvendësime gjatë ndeshjeve për t’u përshtatur me ritmin pas rikthimit në fushën e lojës. Propozimi ka ardhur nga FIFA drejt Bordit të Shoqatës Ndërkombëtare të Futbollit, që kontrollon Ligjet e Futbollit.
Krejt kjo vjen për shkak se futbolli është i pezulluar që prej muajit mars shkaku i koronavirusit, dhe kjo ka ndikuar në gjendjen fizike të futbollistëve.
“Shqetësimi ynë është më i madh dhe ndeshjet e shpeshta mund të sjellin më shumë lëndime te futbollistët”, thuhet fillimisht në njoftimin e FIFA-s.
“Të gjitha skuadrat duhet të përdorin nga pesë zëvendësime gjatë ndeshjeve”, thuhet më tej. “Sa i përket futbollit, duhet të fillojë kur autoritetet shëndetësore dhe qeveritë thonë se është e sigurtë të luhet”, ishte njoftimi i FIFA-s.
