Rusi, Putin kërkon ‘reagim simetrik’ ndaj testeve të raketave të ndaluara nga SHBA

Presidenti rus Vladimir Putin urdhëroi sot ushtrinë të kryejë “reagime simetrike” ndaj testimit nga SHBA të një rakete që më parë ndalohej nga traktati i braktisur i armëve mes dy superfuqive.

Marketing

Putin raportohet se ka urdhëruar një analizë “të nivelit të kërcënimit ndaj vendit tonë pas veprimeve të SHBA, dhe të merren masa të plota për përgatitjen e një reagimi simetrik”, sipas citimeve të fjalës së tij në këshillin tus të sigurisë që u mblodh në Moskë të premten.

Të hënën Pentagoni tha se kishte testuar një raketë që goditi objektivin e saj për më shumë se 500km fluturim, në testimin e parë që prej largimit të tij nga traktati i armëve bërthamore me Rusinë.

Putin tha se testimi konfirmonte se SHBA do të tentonte të vendosë raketat e ndaluara në Evropë, si pjesë e sistemeve mbrojtëse raketore në Poloni e Rumani.

“Qëllimet e Uashingtonit janë të dislokojë raketat e ndaluara në rajone të ndryshme të botës, por vendosja e tyre në Evropë dhe Azi prek interesat tona sepse janë pranë kufijve të Rusisë”.

Marketing