Kryetari i Aleancës për Shqiptarët, Ziadin Sela ka theksuar në emisionin “360 gradë” në Alsat se pas Vitit të Ri do të qartësohet koalicioni me partitë shqiptare të opozitës.
I pyetur se sa mandate deputetësh mund të marrë opozita aktuale shqiptare në zgjedhjet e 12 prillit, Sela theksoi se sipas analizave të ASH-së, koalicioni trepartiak (ASH, BESA dhe Alternativa) do të fitonte së paku 15 deputetë, ndërsa nëse shkojnë me një nga këto partite atëherë nuk do të jenë më pas se 13 deputetë. Sipas Selës, nëse ASH do të shkonte vetë në zgjedhje atëherë do të jetë fituese në bllokun shqiptar me 9 apo 10 deputetë. Kreu i ASH-së tha se BDI nuk do të fitojë më shumë se 7 deputetë. I pyetur për anketat e fundit ai theksoi se ato nuk janë shumë të besueshme sepse manipulohen. Sipas tij, ASH qëndron afër BDI nëpër anketa.
