‘Serbët detyruan vëllain të përdhunojë motrën’, ish-ushtarja e UÇK zbulon tmerrin e grave gjatë luftës

Ish ushtarja e UÇK-së, Shkëndije Hoda ka rrëfyer disa prej gjërave që kanë përjetuar gratë gjatë luftës, një pjesë e të cilave nuk i kanë treguar bashkëshortëve të tyre se çfarë ka ndodhur në të vërtetë. Sipas Hodës, Kosova ka më shumë se 20 mijë persona të dhunuar ndërsa vetëm në rajonin e Gjakovës, ajo ka identifikuar 187 raste.

Marketing

“Ka gra që nuk i kanë rrëfyer burrave të vet, ka prej tyre që burrat i janë ndarë, ndërsa ka edhe raste në Gjakovë kur familja më nuk i ka pranuar, i ka larguar. Problemi i grave që nuk ju kanë rrëfyer burrit atë që ka ndodh tash ato kur t’i marrin pensionin. 187 raste janë që i kam identifikuar vetëm unë kur kam qenë në uniformë. Vetëm në komunën e Gjakovës ka me mijëra, flitet që janë mbi 20 mijë, por unë mendoj se janë më shumë”, tha Hoda në emisionin “Personale”.

Masakrat e serbve nuk kishin kufi. Rastin më të rëndë e cilësoi atë që i përket një familje kosovare ku është e vështirë që të bashkohen të gjithë anëtarët pasi vëllai ka përdhunuar motrën rreth 20 vite më parë.

“E kemi një rast që nuk po mundemi me bind familjen me u pajtu. E kemi një rast që pasi e kanë dhunuar, e kanë detyruar edhe vëllain me dhunu motrën. Ai është rast shumë i rëndë. Sa herë që vjen vëllai nga jashtë, motra shkon në pushim diku. Ata nuk mund të takohen asnjëherë se nuk mund të shihen në sy”, tha ajo.

Marketing