Të paktën gjashtë persona kanë humbur jetën deri më tani si pasojë e uraganit Zeta që ka goditur Shtetet e Bashkuara të Amerikës.

Uragani ka goditur shtetet Louisiana, Georgia, Mississippi, Karolina e Veriut, pjesën juglindore të Virginia-s dhe Maryland.

Viktimat janë regjistruar në Louisiana një, në Alabama dhe Georgia katër dhe në Mississippi një.

Zeta ka shkaktuar ndërprerjen e energjisë elektrikë për 2,6 milionë familje.

Në Louisiana, nga Garda Kombëtare u kërkua të mbështesë ushtarët në përpjekjet e kërkimit dhe shpëtimit.

Rënia e pemëve bllokoi korsitë e dy autostradave ndërshtetërore në Atlanta.

Qendra Kombëtare e Uraganeve e SHBA-së njoftoi se Zeta, e cila filloi të godiste Louisiana-n juglindore në kategorinë 2 të mërkurën, 28 tetor, humbi fuqinë dje pasdite dhe shpejtësia maksimale e erës ra në 85 kilometra në orë.

Zeta, e cila goditi Gadishullin Jukatan të Meksikës të hënën me një erë që arrinte në rreth 130 kilometra në orë, solli reshje të forta shiu.

Shteti i Louisiana-s këtë vit është goditur gjithashtu nga uraganet Laura dhe Delta.