Shkup, policia shqipton 111 masa për parkim jo të drejtë

Tetë persona kanë marrë lëndime të lehta trupore në gjashtë prej gjithsej 11 aksidenteve të trafikut që kanë ndodhur gjatë 24 orëve të fundit në rajonin e Qytetit të Shkupit. Në pesë aksidente trafiku janë shkaktuar dëme materiale.

Marketing

Sipas të dhënave të MPB-së, policia ka evidentuar 36 automjete të cilat kanë lëvizur me shpejtësi më të madhe nga e lejuara, ndërsa nga komunikacioni janë përjashtuar 15 shoferë para se të fitojnë të drejtën e patentë shoferit dhe dy shoferë fillestarë.

Janë larguar edhe 13 automjete të cilat kanë pasur probleme teknike dhe nëntë të paregjistruara. Me automjetin e posaçëm “karrotrec” janë larguar 88 automjete.

Për parkim jo të drejtë policia ka dhënë 111 masa. Janë dënuar dy këmbësorë të cilët e kanë kaluar rrugën jashtë vendkalimit për këmbësorë, pesë shoferë të cilët kanë kaluar në udhëkryq në dritën e kuqe të semaforit, katër shoferë të cilët nuk u kanë dhënë përparësi kalimi këmbësorëve në vendkalimet e shënuara për këmbësorë, një për reshtim jo të drejtë, dy për tejkalim jo të drejtë, dy shoferë të cilët nuk i kanë dhënë përparësi kalimi automjeteve në zonë të udhëkryqi dhe katër shoferë për mosposedim të pajisjeve të parapara dimërore.

Janë sanksionuar edhe 12 shoferë për mosmbajtjen e rripit të sigurimit gjatë drejtimit të automjetit motorik dhe 23 shoferë për shfrytëzim të telefonit celular gjatë drejtimit të automjetit motorik.

Marketing