Shkup, sanksione të shumta në komunikacion gjatë festave

Dy persona kanë marrë lëndime të rënda trupore, ndërsa 17 persona kanë marrë lëndime te lehta në 13 nga gjithsej 23 aksidente që kanë ndodhur gjatë 4 ditëve në Shkup. Në 10 aksidente është shkaktuar dëm material.

Marketing

Siç njofton MPB policia rrugore ka sanksionuar 139 shoferë të cilët kanë lëvizur me shpejtësi më të madhe se e lejuara, 23 shoferë kanë drejtuar automjetin nën ndikimin e alkoolit, 35 të tjerë janë përjashtuar nga trafiku para se ta marrin të drejtën për drejtim të automjetit dhe 11 shoferë fillestar.

Nga trafiku gjithashtu është përjashtuar edhe një veturë e cila ka qenë teknikisht e parregullt, 34 vetura të paregjistruara, ndërsa janë hasur edhe 211 vetura të parkuara në mënyrë të parregullt. Me ndihmën e automjetit special “karrotrec” janë larguar 130 automjete.

Është sanksionuar edhe një këmbësor i cili ka kaluar rrugën jashtë vendkalimit për këmbësorë, 5 këmbësorë të cilët kanë kaluar rrugën në dritë të kuqe, 15 të cilët kanë kaluar udhëkryqin në dritë të kuqe, 9 shoferë nuk kanë dhënë përparësi për kalimin e këmbësorëve në vendkalim për këmbësorë, 10 shoferë për ndalesë të parregullt, një shofer nuk ka dhënë përparësi për kalimin e veturës në udhëkryq, 16 shoferë nuk kanë pasur pajisjet e nevojshme për dimër, 3 shoferë që nuk kanë përdorur rripin e sigurimit dhe 21 shoferë për shfrytëzimin e telefonit gjatë kohës së drejtimit të automjetit.

Marketing