Ish-kryeministrit Vllado Buçkovski, i është vjetërsuar vepra për rastin “Pjesët e tankeve”, njoftoi sot Koalicioni të gjithë për gjykim të drejtë, i cili e ka përcjellë këtë proces gjyqësor.
“Në seancën e sotme gjyqësore për lëndën ‘Pjesët e tankeve’ prokurori publik në fjalët përfundimtare bëri precizimin e aktakuzës, me çka hyri në fuqi vjetërsimi i përndjekjes penale. Mbrojtja megjithatë kërkoi të japë fjalë përfundimtare në seancën e ardhshme të caktuar për më 22.11.2019, me fillim prej ora 13:30”, njoftojnë nga Koalicioni të gjithë për gjykim të drejtë.
Sipas aktakuzës për “Pjesët e tankeve”, ish-kryeministri Buçkovski dhe ish shefi i Shtatmadhorisë të Armatës, Metodi Stamboliski, në vitin 2001 i kanë keqpërdorur funksionet e tyre dhe me kërkesa joreale për furnizimin me pjesë rezerve për tanket e ushtrisë, kanë shkaktuar dëm prej rreth 150 milionë denarëve.
