Vijon të jetë i lartë numri i rasteve të infektuarve dhe ai i viktimave si pasojë e koronavirusit në Shqipëri. Ministria e Shëndetësisë ka njoftuar 952 raste të reja nga 3805 testime të kryera.

Fatkeqësisht në 24 orët e fundit 21 qytetarë kanë vdekur nga Covid. Me gjithë përpjekjet e stafit mjekësor, 21 qytetarë e kanë humbur betejën me COVID19: 9 qytetarë nga Tirana, 2 qytetarë nga Kurbini, 2 qytetarë nga Berati, 1 qyetar nga Tepelena, 1 qytetar nga Fieri, 1 qytetar nga Peqini, 1 qytetar nga Erseka, 1 qytetar nga Librazhdi, 1 qytetar nga Elbasani, 1 qytetar nga Dibra, 1 qytetar nga Lushnja, të moshave 50-91 vjeç.

Aktualisht në spitalet COVID në Tiranë dhe tre spitalet rajonale po trajtohen 662 pacientë, 49 në terapi intensive, nga të cilët 14 pacientë janë të intubuar.

Që nga fillimi i pandemisë, 1,796 persona kanë humbur jetën nga koronavirusi.